اكتشف قوتك الحقيقيه - بيزنس بالمصرى | طريقك لمهنة سعيدة و ناجحة

تحديثات

الأربعاء، 14 مارس 2018

اكتشف قوتك الحقيقيه



فى المقال مش هتكلم عن معرفتك العمليه أو خبرتك فى مجال شغلك لكن هتكلم عن قوتك الحقيقيه ، القوة اللي بتخليك متميز و فريد بين أصدقائك ، لكن ٌبل ما هتكلم معاك هسألك سؤالين :

- امتي آخر مرة حللت نفسك عشان تعرف أسرار قوتك ؟
- يا ترى عرفت أحسن أنت تقدر تعملها ؟

للأسف معظم الناس ما بتعملش كده مع إن التنفيذ سهل جداً

ممكن تكون عارف نقاط ضعفك بس و ده فى حد ذاته خطأ فادح ديماً هيقف بينك و بين نجاحك لكن لما تعرف نقاط قوتك لتكون أضمن طرق لنجاحك و شعورك بالسعادة فى حياتك و شغلك و هنا أحسن فرصة عشان نعرف مع بعض نقاط قوتنا .

تخيل حياتك هتتغير ازاى لو إستخدمت أقوى 5 حاجات عندك بإستمرار ، أكيد هتشغل و تسلم مشاريعك فى الوقت المحدد و هتحس أنك الشخص المناسب دايماً و هتحس بالوفاء و العاطفة و الإنسجام فى حياتك و شغلك .

تخيل لو حسيت أنك ناجح و حاسس بقيمة وقتك و عارف نقاط قوتك و بتبنى حياتك و شغلك لأنك بتعتمد على نقاط قوتك ، انت نقدر تعمل ده لأنى هقولك على طريقه جيده جداً ممكن تغير حياتك تماماً من دلوقتى لأنك هتختبر نقاط قوتك و هتركز عليها لما تعمل الإختبارات دى .

ملاحظه
  • أحدث نسخه من الإختبارات موجوده على موقع www.strengthsfinder.com ، الموقع هيطلب منك عمل عضوية .
  • الموقع ده هتلاقى فيه كتب عن القياديه و هتلاقى كتاب اسمه StrengthsFinder 2.0 ممتاز .
  • ممكن تستخدم الكود اللى هيظهر لك في Now Discover your strenghs باسم دونالد كليفتون Don Clifton عشان تعمل إختبار مجانى يعرفك نقاط قوتك .


إكتشف قوتك 

Don Clifton صاحب مؤسسة جالوب للأبحاث و العلوم و Marcus Buckingham صاحب كتاب First Break All Rules عملوا إختبار إكتشف قوتك StrengthsFinder و الإختبار ده كان نتيجة لدراسه مدتها ٢٥سنه على أكثر من 2 مليون شخص فى مجالات مختلفه من الحياه من ربات البيوت إلى الرؤساء التنفيذيين .

بعد ما جمعوا إجابات على الأسئلة المفتوحة اللى كانت فى الإختبارات دى اللى اتعملت عشان يعرفوا مفاتيح نجاح الناس اللى دخلوا الإختبارات كانت نتيجة تحليلهم أنهم اكتشفوا ٣٤ مصدر للقوه العامة للإنسان و الإختبارات دى هتساعدك فى تحديد أكثر 5 مصادر لقوتك .


ما أهمية ذلك ؟

زى ما قلت لك قبل كده ، تحسين نقاط قوتك إستراتيجية ذكية جداً بدلاً من تضييع وقتك فى التخلص من نقاط ضعفك لأنك هتحس بالإنتاجية السريعة و النشاط و ستبقى ناجح فى حياتك الشخصية و المهنية فى مقابل إنك لما تركز على نقاط ضعفك هتحس بتعب و إحباط و خوف و هتشوف إن كل حاجة بقت صعبة .




تقييم نقاط القوة علي الإنترنت

ممكن تعمل إختبارات لنقاط قوتك فى وقت لا يتعدى ٣٥ دقيقه و المقصود من الإختبارات دى إنك تتبع و تكتشف ميولك الحقيقة  عشان تقدر تختار الأفضل و الأنسب لموهبتك و قدراتك .

اول ما تطلع لك نتيجتك ، إستخدم التحليل الموجود فى كتاب StrengthsFinder 2.0 عشان تعرف أكثر عن نقاط قوتك عشان تعرف تنميها ، و لو إنت مدير لازم تكتشف الآن نقاط قوتك و ما تضيعش وقتك أكثر من كده لأن الكتاب فيه إستراتيجيات مفيده لإداره الأشخاص بكل أنواع القوة .

النقاط الأساسية

  1. تقييم نقاط القوة هيساعدك تكتشف قوتك الحقيقيه .
  2. أكبر ميزه للإختبار هى إكتشاف نقاط قوتك اللى ما كنتش تعرفها .
  3. التركيز على نقاط قوتك و تحسينها أفضل بكثير من التركيز على تحسين نقاط ضعفك .
  4. قوتك الحقيقيه فى طبيعتك عشان كده إستخدمها دائماً عشان تقدر تواجه تحدياتك و تعيش حياة أفضل .
Adbox